Unidentified body recovered: লখিমপুৰত অৰ্ধগলিত অৱস্থাত অচিনাক্ত মৃতদেহ উদ্ধাৰ - লখিমপুৰত অচিনাক্ত লোকৰ মৃতদেহ উদ্ধাৰ

লখিমপুৰত অচিনাক্ত লোকৰ মৃতদেহ উদ্ধাৰক লৈ সৃষ্টি হৈছে তীব্ৰ চাঞ্চল্যৰ(Unidentified decomposed body recovered in Lakhimpur) । মঙলবাৰে বিয়লি অৰ্ধগলিত অৱস্থাত উদ্ধাৰ কৰা হয় অচিনাক্ত লোক এজনৰ মৃতদেহ । লখিমপুৰ নগৰৰ সমীপৰ বান্টৌ বঙালী দেৱেৰা পথাৰৰ সোমদিৰি নদীত উদ্ধাৰ হয় মৃতদেহটো ৷ মাছ মাৰিবলৈ যোৱা কেইজনমান লোকে ওপঙি থকা অৱস্থাত মৃতদেহটো প্ৰত্যক্ষ কৰি আৰক্ষীক খবৰ দিয়াত ঘটনাস্থলীত আৰক্ষীৰ লোক উপস্থিত হৈ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে । ঘটনাটো হত্যা নে আত্মহত্যা সেয়া এতিয়াও নিশ্চিত হোৱা নাই ।