ৰঙিয়াত নিশা খয়েৰ ভৰ্তি ট্ৰাক জব্দ - Timber seized in Rangia

ৰঙিয়াত নিশা বন বিভাগে জব্দ কৰে এখন খয়েৰ ভৰ্তি ট্ৰাক(Timber seized in Rangia) । উত্তৰ কামৰূপ বন সংমণ্ডল প্ৰাধিকাৰীৰ কাৰ্যালয়ৰ এটা দলে ৰঙিয়াৰ দুই নং নকুলৰ খৈৰাবাৰীত HP17G8548 নম্বৰৰ ট্ৰাকখনত তালাচী চলায় । ৰঙিয়াৰ নকুলৰ খৈৰাবাৰীৰ পৰা খয়েৰ ভৰ্তি ট্ৰাকখনে হিমাচল প্ৰদেশ অভিমুখে যাত্ৰা কৰিছিল । ট্ৰাকখনৰ চালকে সঠিক নথি-পত্ৰ দেখুৱাব নোৱাৰা বাবে বন বিভাগৰ অভিযানকাৰী দলটোৱে ট্ৰাকখন জব্দ কৰে(Truck loaded with khoyar wood seized in Rangia) । বন বিভাগৰ সূত্ৰ অনুসৰি জব্দ কৰা খয়েৰ কাঠখিনৰ মূল্য প্ৰায় ২৫ লাখ টকা । বন বিভাগে ট্ৰাকখন জব্দ কৰাৰ লগতে আটক কৰে ট্ৰাকখনৰ চালক, হেণ্ডিমেনকো । বিষয়টো সন্দৰ্ভত বিভাগটোৱে তদন্ত অব্যাহত ৰাখিছে ।