হৰি নামৰ অমল ধ্বনিৰে মুখৰিত বটদ্ৰৱা থান - জগতগুৰু শ্ৰীমন্ত শংকৰদেৱ

আজি জগতগুৰু শ্ৰীমন্ত শংকৰদেৱৰ তিৰোভাৱ তিথি (Death anniversary of Srimanta Sankardev)। ৰাজ্যৰ বিভিন্ন সত্ৰ নামঘৰৰ লগতে মহাপুৰুষ শ্ৰীমন্ত শংকৰদেৱৰ পবিত্ৰ জন্মস্থান বটদ্ৰৱা থানতো পুৱাৰে পৰা বিৰাজ কৰিছে আধ্যাত্মিক পৰিবেশৰ । হৰি নামৰ অমল ধ্বনিৰে মুখৰিত হৈ পৰিছে আকাশ বতাহ। বটদ্ৰৱা থানত গুৰুজনাৰ তিৰোভাৱ তিথিভাগ "গুৰু কীৰ্তন" নামেৰে দুদিনীয়া কাৰ্যসূচীৰে উদযাপন কৰা হৈছে । আজি পুৱাৰে পৰা ভকত বৈষ্ণৱ, আই মাতৃসকলে সমগ্ৰ সত্ৰ প্ৰদক্ষিণ কৰি উষা কীৰ্তন কৰা পৰিৱেশে এক সুন্দৰ বাতাবৰণৰ সৃষ্টি কৰিছে ।