Road Accident: ৰঙিয়াত ভয়ংকৰ পথ দুৰ্ঘটনা - Road Accident in Rangia

ৰঙিয়াত ভয়ংকৰ পথ দুৰ্ঘটনা (Road Accident in Rangia) ৷ দুৰ্ঘটনাত আহত তিনিগৰাকীকৈ লোক ৷ ৰঙিয়াৰ ৩১ নং ৰাষ্ট্ৰীয় ঘাইপথৰ ফাতেমা কণ্ভেনট স্কুলৰ সন্মুখত বুধবাৰে সন্ধিয়া সংঘটিত হয় এই ভয়ংকৰ পথ দুৰ্ঘটনাটো । দ্ৰুতবেগী ভুটানী ট্ৰাকৰ খুন্দাত চুৰ্ণ বিচুৰ্ণ হয় এখন বলেৰ' । গুৱাহাটীৰ পৰা কোকৰাঝাৰ অভিমুখে গৈ থকা বলেৰ' বাহনখনক প্ৰচণ্ড জোৰে খুন্দা মাৰে ভুটানী ট্ৰাক এখনে । লগে লগে পথৰ দাঁতিতে বাগৰি পৰে বলেৰ'খন । ফলত বলেৰ'খনত থকা তিনিগৰাকীকৈ লোক গুৰুতৰভাৱে আহত হয় । আহত লোককেইজন হৈছে কোকৰাঝাৰ জিলাৰ ফকিৰাগ্ৰামৰ আব্দুল আৱাল শ্বেখ, ইমামুল আলী আৰু বিলাসীপাৰাৰ ৰানীগঞ্জৰ ইলিয়াচৰ ৰহমান ৷ আহত লোককেইজনক ৰাইজৰ সহযোগত আৰক্ষীয়ে ৰঙিয়াৰ এখন ব্যক্তিগত চিকিৎসালয়ত ভৰ্তি কৰাই বুলি জানিব পৰা গৈছে ।