মিচিং ভাষাৰ পৰীক্ষাত অসমৰ ভিতৰতে প্ৰথম জোনাইৰ ৰিবা দলে - অসমৰ ভিতৰতে প্ৰথম জোনাইৰ ৰিবা দলে

মিচিং সাহিত্য সভাৰ দ্বাৰা অনুষ্ঠিত কৰা ছমহীয়া মিচিং ভাষাৰ পাঠ্যক্ৰমত অসমৰ ভিতৰতে প্ৰথম স্থান দখল কৰিবলৈ সক্ষম হ'ল জোনাইৰ ৰিবা দলেয়ে(Riba Doley ranks first in Missing Language Exam) । উল্লেখযোগ্য যে যোৱা ১৯ চেপ্তেম্বৰত মিছিং ভাষাৰ ছমহীয়া পাঠ্যক্ৰমৰ অন্তত হোৱা পৰীক্ষাৰ ফলাফল মিছিং সাহিত্য সভাই ঘোষণা কৰে(Missing Language Course Result Declared) । ৭৩ টা পৰীক্ষা কেন্দ্ৰত অনুষ্ঠিত হোৱা পৰীক্ষাত মুঠ ১৬,৭৯৮ গৰাকী পৰীক্ষাৰ্থী অৱত্তীৰ্ণ হোৱাৰ বিপৰীতে মুঠ ১৫,৫৬৫ গৰাকী পৰীক্ষাৰ্থী উত্তীৰ্ণ হয় । এই পৰীক্ষাৰ ফলাফলত প্ৰথম বিভাগত ১৭০২ গৰাকী, দ্বিতীয় বিভাগত ৭৯৭৯ গৰাকী আৰু তৃতীয় বিভাগত ৫৮৮৪ গৰাকী পৰীক্ষাৰ্থী উত্তীৰ্ণ হয় । ইয়াৰে জোনাইৰ লাইমেকুৰী ৰাকুট ককে গাঁৱৰ ৰিবা দলেয়ে ৭৭.৮৭ শতাংশ নম্বৰ লাভ কৰি অসমৰ ভিতৰতে প্ৰথম স্থান দখল কৰিবলৈ সক্ষম হৈছে ।