Raijor Dol joining Program : আমগুৰিত ৰাইজৰ দলৰ যোগদান সমাৰোহ - ৰাইজৰ দলৰ যোগদান সমাৰোহ
বৃহস্পতিবাৰে আমগুৰিত আয়োজন কৰা হয় ৰাইজৰ দলৰ যোগদান সমাৰোহ (Raijor Dol joining Program held at Amguri) ৷ এই যোগদান সমাৰোহত ককাল ভাঙি নাচিলে এগৰাকী আইতাই । ৰাইজৰ দলৰ নীতি তথা আদৰ্শৰ প্ৰতি আকৰ্ষিত হৈ আমগুৰি সমষ্টিৰ কমাৰ চুকত আয়োজিত এই যোগদান অনুষ্ঠানত শতাধিক লোকে যোগদান কৰে । উক্ত যোগদান অনুষ্ঠানত উপস্থিত থাকে ৰাইজৰ দলৰ কেন্দ্ৰীয় সমিতিৰ উপ সভাপতি বেদান্ত লস্কৰ, সহকাৰী সম্পাদক ছাহজাহান আলী, সম্পাদক দাদুল আলী, শিৱসাগৰ জিলা সমিতিৰ সভাপতি মুনীন্দ্ৰ লাহন, সাধাৰণ সম্পাদক মুজিদ আলী, শিৱসাগৰ সমষ্টি সমিতিৰ সভাপতি জিতুজ্যোতি গায়ন, সাধাৰণ সম্পাদক দীপাংকৰ কোঁৱৰ, আব্দুল আজিজ, সম্পাদক বিশ্ব বুঢ়াগোঁহাঁই আৰু জাতীয় যুৱ বাহিনীৰ কাৰ্যকৰী সভাপতি সৌৰভ বৰা আৰু কেন্দ্ৰীয় সাধাৰণ সম্পাদক কল্যাণ জ্যোতি মহনৰ লগতে বহু ৰাইজ ৷