বহিঃৰাজ্যত কাম কৰিবলৈ গৈ সন্ধানহীন টিংখাঙৰ এজন ব্যক্তি - বহিঃৰাজ্যত কাম কৰিবলৈ গৈ সন্ধানহীন

বহিঃৰাজ্যত কাম কৰিবলৈ গৈ সন্ধানহীন টিংখাঙৰ এজন ব্যক্তি (Man from Tingkhang went missing)। টিংখাঙৰ ধমন পঞ্চায়তৰ অন্তৰ্গত নলনী কপহুৱা গাঁৱৰ নিবাসী পূণ্য গগৈৰ পুত্ৰ মিথুন গগৈ নামৰ এজন ব্যক্তি সন্ধানহীন হৈ আছে । যোৱা ৩ ছেপ্টেম্বৰত হাইদৰাবাদৰ চামচাবাদত কামৰ উদ্দেশ্য গাঁৱৰ কেইজনমান লোকৰ লগত ঘৰৰ পৰা গৈছিল মিথুন গগৈ । কিন্তু ৰহস্যজনক ভাৱে যোৱা ৬ ছেপ্টেম্বৰত ৰে’লৰ পৰা নামিয়েই সন্ধানহীন হৈ পৰে ব্যক্তিজন । এই সন্দৰ্ভত পৰিয়ালৰ লোকে টিংখাং আৰক্ষী চকীত এজাহাৰ দাখিল কৰাৰ লগতে হাইদৰাবাদ আৰক্ষীৰ লগত যোগাযোগ কৰিছে যদিও বৰ্তমানলৈকে কোনো শুংসূত্ৰ উলিয়াব পৰা নাই ব্যক্তিজনৰ । মিথুন গগৈৰ সন্ধান বিচাৰি স্থানীয় বিধায়ক তথা মন্ত্ৰী বিমল বৰাৰো সহায় ভিক্ষা মাগিছে পৰিয়ালৰ লোকে ।