Haj pilgrimage begins on June 4: ঐক্য সেনা অসমৰ উদ্যোগত শিৱসাগৰত হজ যাত্ৰীক সম্বৰ্ধনা

শনিবাৰে শিৱসাগৰৰ যুৱদ'লত ঐক্য সেনা অসমৰ জিলা সমিতিৰ উদ্যোগত অহা 10 জুলাইত হ'ব লগীয়া ঈদ ঊল আজহাৰ পূৰ্বে জুন মাহৰ প্ৰথম সপ্তাহৰ পৰা যাত্ৰা আৰম্ভ কৰিবলগীয়া হজ যাত্ৰীসকলক সম্বৰ্ধনা জনোৱা হয় । শিৱসাগৰৰ পৰা যাত্ৰা কৰিবলগীয়া 75 গৰাকী হজ যাত্ৰীক তেওঁলোকৰ যাত্ৰা সুকলমে সম্পূৰ্ণ হোৱাৰ কামনাৰে সম্বৰ্ধনা জনাই ঐক্য সেনা অসমৰ শিৱসাগৰ জিলা সমিতিয়ে (Hajj pilgrims felicitated in Sivasagar) ৷ অনুস্থানত ঐক্য সেনা অসমৰ কেন্দ্ৰীয় সম্পাদক ফৰিদ ঈছলাম হাজৰিকা, অতিৰিক্ত উপায়ুক্ত বিতোপন নেওঁগ, সমাজ কৰ্মী মণিকা শইকীয়া, প্ৰৱক্তা সিমান্ত বৰুৱা, সাংবাদিক খলিলুৰ ৰহমান হাজৰিকাৰ লগতে ভালে কেইগৰাকী বিশিষ্ট ব্যক্তি উপস্থিত থাকে ।