বাক্সা জিলাৰ তামুলপুৰ মহকুমাৰ অন্তৰ্গত কুমাৰীকাটাত বেগ ভৰ্তি গাঞ্জা জব্দ । কুমাৰীকাটা আৰক্ষী চকীৰ ভাৰপ্ৰাপ্ত বিষয়া নিলৱজ্যোতি নাথে গোপন সূত্ৰৰ পম খেদি চলোৱা এক অভিযানৰ অন্তত জব্দ হয় 9 কিলোগ্ৰাম ওজনৰ গাঞ্জা । এখন নম্বৰ প্লেটবিহীন মটৰচাইকেলেৰে আহি থকা অৱস্থাত কুমাৰীকাটাত গাঞ্জাসহ আটক কৰে এমব্ৰুছ নাৰ্জাৰী নামৰ এজন যুৱকক । যুৱকজনে গাঞ্জাখিনি ওদালগুৰিৰ পৰা লৈ আহিছিল । ধৃত যুৱকজনৰ ঘৰ ওদালগুৰি জিলাৰ মাজবাটত বুলি জানিব পৰা গৈছে । ইতিমধ্যে কুমাৰীকাটা আৰক্ষীয়ে গাঞ্জাখিনি জব্দ কৰাৰ লগতে যুৱকজনক আটক কৰি জেৰা অব্যাহত ৰাখিছে ৷