মেঘালয়ৰ পৰা নামি অহা ঢলে বিভীষিকা মাতিছে মানকাচৰত - মেঘালয়ৰ পৰা নামি অহা ঢলে বিভিষীকা মাতিছে মানকাচৰত

মেঘালয়ৰ পৰা নামি অহা পানীৰ ঢলে হাহাকাৰৰ সৃষ্টি কৰিছে মানকাচৰৰ বৃহত্তৰ অঞ্চলত (Flood in Mankachar)। যোৱা কেইবাদিন ধৰি হোৱা মূষলধাৰ বৰষুণৰ ফলত মেঘালয়ৰ পাহাৰৰ পৰা নামি অহা পানীৰ ধলে মানকাচৰৰ কাকৰীপাৰা, ঠাকুৰানবাৰী আদি বিভিন্ন অঞ্চলত কৃত্ৰিম বানৰ সৃষ্টি কৰে (Mankachar affected by flood) । এই কৃত্ৰিম বানে ভয়াৱহ ৰূপ ধাৰণ কৰাত অঞ্চলটোৰ শতাধিক পৰিয়ালৰ ঘৰ-দুৱাৰ পানীত বুৰ যোৱাৰ লগতে বানে বহুতৰে ঘৰবাৰী উটুৱাই লৈ গৈছে ৷ ফলত ৰাইজৰ মাজত হাহাকাৰ পৰিস্থিতিৰ সৃষ্টি হৈছে অঞ্চলসমূহত । সমান্তৰালভাৱে মেঘালয়ৰ পৰা নামি অহা পানীৰ ফলত সৃষ্টি হোৱা গড়াখহনীয়া প্ৰতিৰোধ কৰাৰ চেষ্টা চলাই গৈছে ৰাইজে ৷