ড্ৰাগছ কিনি ৰাইজৰ ৰোষত পৰিল এজন যুৱক

নগাঁৱৰ হয়বৰগাঁও আৰক্ষী চকীৰ অন্তৰ্গত চিলঙনী আঞ্চলিক কৃষি গৱেষণা কেন্দ্ৰৰ সমীপৰ শিমলুগুৰিৰ পৰা ড্ৰাগছ কিনি লৈ আহি থকা অৱস্থাতে ৰাইজৰ ৰোষত পৰিল জিয়াৰুল হক নামৰ ড্ৰাগছ আসক্ত যুৱকজন । শিমলুগুৰিৰ এঘৰ মানুহৰ পৰা যুৱকজনে ড্ৰাগছ কিনি লৈ আহি থাকোতে ৰাইজৰ সন্দেহ হোৱাত আদবাটতে যুৱকজনক সোধপোছ কৰা উৰহী গছৰ ওৰ উলাই পৰে ৷ ইয়াৰ পাচতে ৰাইজে হয়বৰগাঁও আৰক্ষী চকীত খবৰ দিয়াত ঘটনাস্থলীত আৰক্ষী বাহিনী উপস্থিত হৈ যুৱকজনক কৰায়ত্ব কৰে ৷ উল্লেখ্য যে, যুৱকজনৰ পৰা ড্ৰাগছৰ লগতে চিৰিঞ্জো উদ্ধাৰ কৰা হয় । আটকাধীন যুৱকজনৰ ঘৰ ডুমডুমীয়াত বুলি জানিব পৰা গৈছে ।