HS final result 2022: অধ্যাপক হোৱাৰ সপোন চাবুৱাৰ চয়নিকা দাসৰ - প্ৰাধ্যাপক হোৱাৰ সপোন চাবুৱাৰ চয়নিকা দাসৰ

অসম উচ্চতৰ মাধ্যমিক চূড়ান্ত পৰীক্ষাৰ(HS final result 2022) মনোবিজ্ঞান বিষয়ত ৰাজ্যৰ ভিতৰতে প্ৰথমস্থান লাভ কৰি চাবুৱালৈ গৌৰৱ কঢ়িয়াই আনিলে চয়নিকা দাসে(Chayanika Das got highest mark in psychology subject) ৷ ডিব্ৰুগড় ছল্টব্ৰুক একাডেমিত অধ্যয়নৰত আছিল ছাত্ৰী চয়নিকা দাস । চয়নিকাৰ এই সফলতাত উৎফুল্লিত পিতৃ দেহন দাস আৰু মাতৃ জোনমণি দাস ৷ বৰ্তমান থানাই চাহ বাগিছাত অৱস্থিত বাসগৃহত উৎসৱমুখৰ পৰিৱেশে বিৰাজ কৰিছে । ৬ টা বিষয়ত লেটাৰসহ প্ৰথম বিভাগত উত্তীৰ্ণ হৈ চয়নিকাই অঞ্চলটোলৈ গৌৰৱ কঢ়িয়াই আনিছে ৷ মনোবিজ্ঞান বিষয়ত ৯৮ নম্বৰ পোৱাৰ লগতে সৰ্বমুঠ ৪৫৩ নম্বৰ পাবলৈ সক্ষম হৈছে ছাত্ৰী চয়নিকা দাসে । ইফালে ভৱিষ্যতে এগৰাকী প্ৰাধ্যাপক হোৱাৰ সপোন চয়নিকাৰ ৷