ঘৰৰ সন্মুখৰ পৰাই চোৰে নিলে বলেৰ' - নাৰায়ণপুৰ আৰক্ষী থানা

লখিমপুৰ জিলাৰ নাৰায়ণপুৰ আৰক্ষী থানাৰ(Narayanpur police station) অন্তৰ্গত বিভিন্ন ঠাইত বিগত কিছুদিনৰ পৰা ধাৰাবাহিকভাৱে সংঘটিত হৈছে চুৰিকাণ্ড(Theft in Bihpuria) । নাৰায়ণপুৰ আৰক্ষীৰ নিষ্ক্ৰিয়তাৰ বাবেই ধাৰাবাহিকভাৱে চুৰিকাণ্ড সংঘটিত হোৱাৰ অভিযোগ ৰাইজৰ । বৃহস্পতিবাৰে নিশা নাৰায়ণপুৰৰ বেলগুৰি গাঁৱৰ কাকু শংকৰ দত্ত নামৰ লোকজনৰ AR 01 M 1584 নম্বৰৰ বগা ৰঙৰ বলেৰ' গাড়ীখন ঘৰৰ চোতালৰ পৰাই চোৰে চুৰি কৰি লৈ যায় । ইয়াৰ কেইদিনমান পূৰ্বে আন এজন লোকৰ ঘৰত চোৰে দিন দুপৰতে চলাইছিল লুটপাত ৷ সমান্তৰালকৈ ATM চুৰি, ব্যৱসায়িক প্ৰতিষ্ঠানত চুৰিকাণ্ডৰ দৰে ঘটনা নাৰায়ণপুৰৰ বিভিন্ন ঠাইত সঘনাই সংঘটিত হ'বলৈ লোৱাত শংকিত হৈ পৰিছে সাধাৰণ নাগৰিক ।