কৰ্তব্যৰত বনকৰ্মীৰ সৈতে কলিয়াবৰ প্ৰেছ ক্লাবৰ বিহু উদযাপন

কাজিৰঙাৰ সুৰক্ষাৰ স্বাৰ্থত দিন-ৰাতি একাকাৰ কৰি কৰ্তব্যত ব্যস্ত হৈ থকা বনকৰ্মীসকলক পহিলা বহাগৰ দিনাই বিহুৰ ওলগ জনোৱাৰ লগতে জলপানেৰে আপ্যায়ন কৰে কলিয়াবৰ প্ৰেছ ক্লাবে । মানুহ বিহুৰ দিনা পুৱাতে কলিয়াবৰ প্ৰেছ ক্লাবৰ সভাপতি তপন শইকীয়া আৰু সম্পাদক জয়ন্ত কুমাৰ শৰ্মাৰ নেতৃত্বত অহা প্ৰেছ ক্লাবৰ দলটি বুঢ়াপাহাৰ বনাঞ্চলত উপস্থিত হৈ বনাঞ্চলিক বিষয়া প্ৰদীপ গোস্বামীৰ লগতে সকলো বনকৰ্মীক বিহুৰ শুভেচ্ছা জনাই একেলগে বিহুৰ জলপান গ্ৰহণ কৰে । কলিয়াবৰ প্ৰেছ ক্লাবৰ এনে পদক্ষেপক শলাগ লয় বনকৰ্মীসকলে ।