কমলপুৰত বিজেপি মিত্ৰজোঁটৰ প্ৰাৰ্থী দিগন্ত কলিতাৰ নিৰ্বাচনী প্ৰচাৰ - Baihata Bjp campaign

সমগ্ৰ অসমতে এতিয়া নিৰ্বাচনী জ্বৰ । দ্বিতীয় পৰ্যায়ৰ নিৰ্বাচনলৈ মাজত মাত্ৰ কেইদিনমান বাকী । এতিয়া সকলো দল তথা প্ৰাৰ্থীয়ে আৰম্ভ কৰিছে মাৰাথন নিৰ্বাচনী প্ৰচাৰ । কমলপুৰ সমষ্টিৰ বিজেপি তথা মিত্ৰজোঁটৰ প্ৰাৰ্থী দিগন্ত কলিতাই সমষ্টিত আৰম্ভ কৰিছে তীব্ৰ নিৰ্বাচনী প্ৰচাৰ । কমলপুৰ সমষ্টিৰ অন্তৰ্গত সোণাপুৰ পঞ্চায়তত এক বৃহৎ পদযাত্ৰাৰে বিজেপিয়ে আকাশ বতাহ কঁপাই তোলে । পঞ্চায়তটোৰ মাজেৰে আগবঢ়া এই পদযাত্ৰাত সহস্রাধিক বিজেপি নেতা, কৰ্মীয়ে অংশগ্ৰহণ কৰে । এই পদযাত্ৰাৰ মাজতে সোণাপুৰ পঞ্চায়তৰ বিভিন্ন নামঘৰ, মন্দিৰৰ আশীষ গ্ৰহণ কৰে । উল্লেখযোগ্য যে এই কাৰ্যসূচীৰ মাজতে কেবাগৰাকী লোকে বিজেপিৰ প্ৰতি আকৰ্ষিত হৈ বিজেপিত যোগদান কৰে ।