Martial Arts Championship: ৰাষ্ট্ৰীয় টং ইল মুডো মাৰ্চিয়েল আৰ্ট চেম্পিয়নশ্বিপত দ্বিতীয় স্থানত অসম - উইং চুং কুংফু দল
ৰাষ্ট্ৰীয় টং-ইল-মুডো মাৰ্চিয়েল আৰ্ট চেম্পিয়নশ্বিপত (National Tong Il Mudo Martial Arts Championship) অসমৰ উইং চুং কুংফুৰ দলটোৱে দ্বিতীয় স্থান লাভ কৰিবলৈ সক্ষম হৈছে । মহাৰাষ্ট্ৰৰ নাচিক চহৰত অনুষ্ঠিত হোৱা অষ্টম বাৰ্ষিক ৰাষ্ট্ৰীয় চাব জুনিয়ৰ, জুনিয়ৰ আৰু কেডেট শাখাৰ মাৰ্চিয়েল আৰ্ট চেম্পিয়নশ্বিপত (Martial Arts Championship) অংশগ্ৰহণ কৰা প্ৰতিযোগিতাখনত বৰপেটা জিলাৰ পৰা যোৱা ২০ জনীয়া দলটোৰ ভিতৰত ১৩ গৰাকী খেলুৱৈয়ে পদক লাভ কৰি অসমৰ ভিতৰতে সৰ্বাধিক পদক লাভ কৰা জিলা হিচাপে পৰিগণিত হয় ( Assam team secures second position ) । বৰপেটা জিলাৰ দলটোৰ মুখ্য প্ৰশিক্ষক হৃদয়ানন্দ দাসে জনোৱা মতে বৰপেটাৰ খেলুৱৈ সকলে ৪টা স্বৰ্ণ পদক, ১ টা ৰূপৰ পদক আৰু ৮ ব্ৰঞ্জৰ পদক লাভ কৰে । ইতিমধ্যে শনিবাৰে দলটোৱে মহাৰাষ্ট্ৰৰ নাচিক চহৰৰ পৰা আহি অসম পাইছে ।