ৰঙাপাৰাত অসম চাহ মজদুৰ সংঘৰ প্ৰতিবাদ - ACMS protest at Rangapara

শোণিতপুৰ জিলাৰ ৰঙাপৰাত আজি চাহ বাগিচাই বাগিচাই অৱস্থান ধৰ্মঘট কাৰ্যসূচী ৰূপায়ণ কৰে উপ-কৰ্মচাৰীসকলে(Tea worker protest) । অসম চাহ মজদুৰ সংঘৰ এক নিৰ্দশনা মৰ্মে চাহ বাগিচাৰ প্ৰাথমিক গোটৰ সদস্য-সদস্যাসকলে শুকুৰবাৰে পুৱা ৭ বজাৰ পৰা ১০ বজালৈকে কাৰ্যালয়ৰ সন্মুখত তিনি ঘণ্টীয়া অৱস্থান ধৰ্মঘট কাৰ্যসূচী ৰূপায়ণ কৰে(ACMS protest at Rangapara) । অসমৰ চাহ বাগিচা সমূহত কৰ্মৰত উপ-কৰ্মচাৰী সকলৰ ভ্ৰমণ বোনাচ সংশোধনকে ধৰি দৰমহা বৃদ্ধি আৰু শ্ৰমিকসকলৰ পাত তোলা নিৰিখৰ মূল্যবৃদ্ধিৰ ওপৰত সংঘই দীৰ্ঘদিন ধৰি চাহ বাগিচা মালিক সন্থাসমুহৰ ওচৰত দাবী জনাই অহাৰ লগতে উক্ত বিষয় সমূহৰ ওপৰত বিগত সময়ছোৱাত কেইবালানি দ্বি-পাক্ষিক আলোচনাত মিলিত হৈ আহিছে(Tea worker demand) । কিন্তু চাহ বাগিচা মালিক সন্থা সমুহে সংঘৰ উক্ত দাবী সমুহক গুৰুত্ব প্ৰদান নকৰিলে । যাৰ ফলত ৰঙাপৰাৰ প্ৰত্যেকখন চাহ বাগিচাত তিনি ঘণ্টীয়া অৱস্থান ধৰ্মঘট কাৰ্যসূচী ৰূপায়ণ কৰে উপ-কৰ্মচাৰীসকলে ।