গোলাঘাটত পিঞ্জৰাবদ্ধ এটা নাহৰফুটুকী

গোলাঘাটত পিঞ্জৰাবদ্ধ হৈছে এটা নাহৰফুটুকী । টাইগাৰ জ’নলৈ (TIGER ZONE) ৰূপান্তৰিত হৈছে গোলাঘাট বগৰীজেং আৰু বেতিয়নীৰ এটা বৃহত্তৰ অঞ্চল । বৃহস্পতিবাৰে পুৱা পিঞ্জৰাবদ্ধ হ’ল এটা 2-3 বছৰীয়া নাহৰফুটুকী বাঘ । গোলাঘাটৰ বেতিয়নী কাকতি গাঁৱত পিঞ্জৰাবদ্ধ হ’ল দীৰ্ঘদিনৰ পৰা সন্ত্ৰাস সৃষ্টি কৰি থকা নাহৰফুটুকীটো । পুৱা নাহৰফুটুকী পিঞ্জৰাবদ্ধ হৈ থকা প্ৰত্যক্ষ কৰে ৰাইজে । গোলাঘাটৰ বগৰীজেং নৰাগাঁও, বেতিয়নী নামৰ এটা বৃহত্তৰ অঞ্চলত দীৰ্ঘদিনৰ পৰাই সন্ত্ৰাস সৃষ্টি কৰি আহিছিল বাঘটোৱে । অঞ্চলটোৰ ৰাইজৰ গৰু-ছাগলী-গাহৰি আদি ভক্ষণ কৰি সন্ত্ৰাসৰ সৃষ্টি কৰি আহিছিল নাহৰফুটুকীটোৱে । বিগত দুটা বছৰত অঞ্চল কেইটাৰ পৰা মুঠ ১১ টা বাঘ পিঞ্জৰাবদ্ধ হৈছে । ইপিনে অঞ্চলটোত আৰু অধিক বাঘ থকাৰ আশংকা কৰিছে ৰাইজে ।