নগাঁৱত বৃহৎ পৰিমাণৰ গাঞ্জাসহ আটক এজন

নগাঁৱৰ চামাদাৰ পট্টিত আৰক্ষীয়ে শুকুৰবাৰে অভিযান চলাই প্ৰায় ২০০ কেজি গাঞ্জা জব্দ কৰে(Ganja seized from Nagaon) । নগাঁও সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া মনোজ ৰাজবংশীৰ নেতৃত্বত চলা এক অভিযানত উদ্ধাৰ কৰা হৈছে বৃহৎ পৰিমাণৰ গাঞ্জাখিনি । আৰক্ষীয়ে এই ঘটনাৰ লগত জড়িত থকাৰ অভিযোগত হাচান আলী নামৰ গাঞ্জা ব্যৱসায়ীটোক আটক কৰে(Ganja mafia arrested in Nagaon) । জব্দ হোৱা গাঞ্জাখিনিৰ বজাৰ মূল্য ২০ লাখ টকা বুলি অনুমান কৰা হৈছে । আৰক্ষী সূত্ৰে জানিব পৰা মতে ধৃত হাচান আলিয়ে আৰক্ষীৰ চকুত ধূলি দি দীৰ্ঘদিনৰ পৰা নগাঁও জিলাত চলাই গৈছিল গাঞ্জাৰ ব্যৱসায় । ধৃত হাচান আলিয়ে প্ৰতি কেজি গাঞ্জা ৩০০০ টকাৰ পৰা ৫০০০ হাজাৰ টকাত বিক্ৰী কৰে বুলি জানিব দিয়ে । সম্প্ৰতি আৰক্ষীয়ে অধিক তথ্যৰ বাবে হাচান আলিক আটক কৰি সোধপোছা অব্যাহত ৰাখিছে(Assam police anti narcotic movement) ।