Russia Ukraine war: ইউক্ৰেইনত আৱদ্ধ যোৰহাটৰ প্ৰয়াস - ইউক্ৰেইনত শ্বাসৰুদ্ধ পৰিৱেশ

ইউক্ৰেইন আৰু ৰাছিয়াৰ মাজৰ যুদ্ধ (Russian Ukraine war) ৰ ফলত ইউক্ৰেইনত বিৰাজ কৰিছে এক শ্বাসৰুদ্ধ পৰিৱেশে ৷ ইউক্ৰেইনত আৱদ্ধ হৈ আছে ভাৰতৰ তথা অসমৰ বহুসংখ্যক নাগৰিকৰ লগতে শিক্ষাৰ্থী ৷ এই আৱদ্ধ শিক্ষাৰ্থীসকলৰ ভিতৰত যোৰহাটৰ মালৌ আলি নিবাসী প্ৰয়াত ড৹ মহেশ শৰ্মা আৰু মৰমী শৰ্মাৰ পুত্ৰ প্ৰয়াস শৰ্মাও আৱদ্ধ হৈ আছে ইউক্ৰেইনত (Assamese students in Ukraine) ৷ ইউক্ৰেইন উজাহাৰ বিশ্ববিদ্যালয় ছাত্ৰ প্ৰয়াস ৷ ইউক্ৰেইনৰ বৰ্তমানৰ পৰিস্থিতিৰ বাবে উদ্বিগ্ন হৈ পৰিছে ছাত্ৰগৰাকীৰ মাতৃৰ লগতে পৰিয়ালৰ সকলো ৷ ইফালে ইউক্ৰেইনৰ পৰা বিমান চলাচল বন্ধ কৰি দিয়াৰ ফলত বিপাঙত পৰিছে প্ৰয়াস ৷ ফলত উপায়বিহীন হৈ নিজ দেশলৈ প্ৰয়াসক ঘূৰাই আনিবলৈ চৰকাৰক কাতৰ আহ্বান প্ৰয়াসৰ মাতৃৰ ৷ জানিব পৰা মতে, বিগত বৰ্ষৰ ডিচেম্বৰ মাহৰ প্ৰথম সপ্তাহত ইউক্ৰেইন লৈ যাত্ৰা কৰিছিল প্ৰয়াসে ৷ চলিত বছৰৰ মাৰ্চত নিজ গৃহলৈ অহাৰ কথা আছিল প্ৰয়াসৰ ৷