সামাজিক মাধ্যমৰ জৰিয়তে সদস্য ভৰ্তিৰ বাবে চেষ্টা চলাইছে আলফাই

মুখ্যমন্ত্ৰী হিমন্ত বিশ্ব শৰ্মাই আলফা স্বাধীনৰ সৈতে শান্তি আলোচনাৰ কৰাৰ বাবে তৎপৰতা প্ৰদৰ্শন কৰাৰ সময়তেই নতুন সদস্য যোগদানৰ বাবে যো-জা চলাইছে সশস্ত্ৰ সংগঠনটোৱে ৷ সামাজিক মাধ্যমৰ জৰিয়তে যুৱ প্ৰজন্মৰ যুৱক-যুৱতীসকলক সংগঠনটোত ভৰ্তি কৰাৰ বাবে চেষ্টা অব্যাহত ৰাখিছে আলফাই ৷ ডিব্ৰুগড় জিলাৰ কেইবাজনো যুৱকে ইতিমধ্যে আলফাত যোগদান কৰাৰ খবৰ ৰাজহুৱা হোৱাৰ পিছতে বৃহস্পতিবাৰে পুনৰ আন এজন যুৱকক আলফাত যোগদান কৰিবলৈ যোৱা সময়তেই আটক কৰে শিৱসাগৰ আৰক্ষীয়ে ৷ খোৱাং বাঁহনিপথাৰৰ প্ৰদীপ আহোমৰ পুত্ৰ কুলদীপ গগৈয়ে ফেচবুকত অম্লান জ্যোতি কৌশিক নামৰ এজন ব্যক্তিৰ সৈতে যোগাযোগ কৰি আলফা স্বাধীনতা যোগদান কৰিবলৈ গৈছিল । যুৱকজনক শিৱসাগৰলৈ যাবলৈ নিৰ্দেশ দিয়া হৈছিল। ইয়াৰ পাছতে আলফা স্বাধীনৰ কোনো লোকে নিৰ্দিষ্ট স্থানলৈ নিয়াৰ কথা আছিল যদিও শিৱসাগৰ আৰক্ষীয়ে শিৱসাগৰ বাছ আস্থানৰ পৰাই আটক কৰে কুলদীপক । যুৱকজনৰ সৈতে ডিব্ৰুগড় গৰুধৰীয়া আন এজন যুৱক আছিল বুলিও জানিবলৈ দিছে । দুয়োজন যুৱককে আৰক্ষীয়ে ইতিমধ্যে পৰিয়ালক গতাই দিছে । আৰ্থিক দুৰৱস্থাৰ বাবে আলফাত যোগদান কৰিবলৈ যোৱা বুলি জানিবলৈ দিছে খোৱাঙৰ কুলদীপ গগৈয়ে ।