সুৰাপায়ীৰ বিৰুদ্ধে আৰক্ষী কঠোৰ হোৱাৰ সময়তে নিচাত মাতাল মহিলা আৰক্ষী

নৱবৰ্ষৰ প্ৰাকক্ষণত সুৰাপায়ী লোকৰ বিৰুদ্ধে কঠোৰ হৈছে অসম আৰক্ষী ৷ তেনে সময়তে কিন্তু এইবাৰ মদৰ নিচাত ৰাস্তাত পৰি ৰোৱা দেখা গ'ল এগৰাকী মহিলা আৰক্ষীক(Woman cop in uniform seen drinking) । তাকো আদালতৰ সন্মুখত । এই ঘটনা বুধবাৰে নাহৰকটীয়াৰ মহকুমা ন্যায়িক দণ্ডাধীশ আৰু ন্যায়াধিকৰ্ত্তা আদালতৰ সন্মুখৰ । মদৰ নিচাত মাতাল হৈ মাটিত পৰি থকা এইগৰাকী আৰক্ষী ডিব্ৰুগড় জেলত কৰ্মৰত । জেলৰ পৰা বিচাৰৰ বাবে নাহৰকটীয়াৰ আদালতলৈ আচামী অনা বাহনখনৰ সুৰক্ষাকৰ্মী হিচাপে আহিছিল তেওঁ । কিন্তু নিজৰ দায়িত্বৰ কথা পাহৰি দিন দুপৰতে গোলাপী নিচাত মাতাল হৈ এনেদৰে পৰি ৰৈছে এইগৰাকী আৰক্ষী ৷ যাৰ দৃশ্য বন্দী হ'ল স্থানীয় প্ৰত্যক্ষদর্শীৰ মোবাইলত । অৱশ্যে কিছু সময়ৰ পিছত ঘটনা বিষম হোৱা গম পাই তেওঁৰ সতীৰ্থসকলে ততালিকে তেওঁক জনচক্ষুৰ পৰা গাড়ীসহ আঁতৰাই লৈ যায় ।