কাজিৰঙাত বাহন ভাঙি সোমাল প্ৰকাণ্ড গছ - kaziranga
কাজিৰঙাত ক’ভিড পৰীক্ষা কৰিবলৈ অহা এগৰাকী ব্যক্তিৰ পথৰ মাজত ৰখাই থোৱা বাহনৰ ওপৰত পৰিল প্ৰকাণ্ড গছ । গোলাঘাটৰ কঁহৰা মডেল হাস্পতালৰ সমীপত সংঘটিত হৈছে এই অঘটন । এই ঘটনাত কথমপি প্ৰাণৰক্ষা পৰিছে এজন লোকৰ । জানিব পৰা মতে, কাজিৰঙাৰ ঐশ্চৰ্য বৰা নামৰ এজন যুৱকে মাকৰ ক’ভিড পৰীক্ষা কৰাবলৈ আহিছিল কঁহৰা মডেল হাস্পতাললৈ । পৰৱৰ্তী সময়ত মাকক ঘৰলৈ পঠিয়াই যুৱকজনে AS 01-7202 নম্বৰৰ এল্ট’ 800 বাহনখনত বহি থকাৰ সময়তে আকস্মিকভাৱে বাহনখনৰ ওপৰত বাগৰি পৰে এজোপা প্ৰকাণ্ড গছ ৷ ফলত বাহনৰ সন্মুখভাগৰ বিস্তৰ ক্ষতিসাধন হয় যদিও যুৱকজন কথমপি ৰক্ষা পৰে ৷ ঘটনাটোৰ পাছতে পথচোৱাত বহু সময় ধৰি যথেষ্ট সংখ্যক যান-বাহন আৱদ্ধ হৈ পৰে ৷