গোলাঘাট ব্ৰাউন চুগাৰসহ গ্ৰেপ্তাৰ দুই যুৱক

ড্ৰাগছৰ বিৰুদ্ধে আৰক্ষীৰ অভিযান কঠোৰ হ’লেও সুৰুঙাৰে প্ৰতিদিনে ৰাজ্যত চলিয়েই আছে মাৰাত্মক ড্ৰাগছৰ ব্যৱসায় ৷ ইয়াৰ মাজতে মঙলবাৰে গোলাঘাটৰ মাজমজিয়াত ড্ৰাগছসহ গ্ৰেপ্তাৰ হয় দুই যুৱক ৷ গোলাঘাট নগৰৰ মাজমজিয়াৰ বেজবৰুৱা উচ্চতম মাধ্যমিক বিদ্যালয়ৰ সমীপৰ পৰা গ্ৰেপ্তাৰ কৰা হয় যুৱকদুজনক ৷ এখন স্কুটিত যুৱক দুজনে আনিছিল প্ৰায় 1.9 গ্ৰাম ব্ৰাউন চুগাৰ ৷ ধৃত যুৱক দুজন মনদ্বীপ ঘোষ আৰু সঞ্জীৱ দাস বুলি চিনাক্ত কৰা হৈছে ৷