গড় বচাবলৈ এইবাৰ স্পেছিয়েল ফৰ্চ !

এইবাৰ গঁড় চিকাৰীৰ বিৰুদ্ধে যুঁজিবলৈ সাজু বিশেষ গঁড় সুৰক্ষা বাহিনী। অসম সম্পদ এশিঙীয়া গঁড় সুৰক্ষাৰ বাবে নিযুক্তি দিয়া হৈছে গঁড় সুৰক্ষা বিশেষ বাহিনী। বঢ়মপৰস্থিত অসম নৱম আৰক্ষী বেটিলিয়েনৰ প্ৰশিক্ষণ কেন্দ্ৰত প্ৰশিক্ষণ সমাপ্ত কৰিছে ৮২ গৰাকী জোৱানে। ইয়াৰ ভিতৰত আছে মহিলা জোৱানো। হাতত অত্যাধুনিক মৰণাস্ত্ৰ লৈ গঁড় চিকাৰৰ বিৰুদ্ধে যুঁজিবলৈ সম্পূৰ্ণৰূপে সাজু হৈছে এইসকল জোৱান। শুক্ৰবাৰে প্ৰশিক্ষণ সমাপ্ত কৰা এইসকল জোৱানক আনুষ্ঠানিকভাৱে নিযুক্তি দিয়ে ৰাজ্যৰ বনমন্ত্ৰী পৰিমল শুক্লবদ্যই।