টীয়কত নিৰ্বাচনী প্ৰচাৰত ব্যস্ত ৰুবী বৰা
বিধানসভাৰ প্ৰথম পৰ্যায়ৰ নিৰ্বাচনলৈ মাজত মাত্ৰ ১৪ দিন । প্ৰতিগৰাকী প্ৰাৰ্থী ব্যস্ত নিৰ্বাচনী প্ৰচাৰত । যোৰহাট জিলাৰ ১০২ নং টীয়ক বিধানসভা সমষ্টিৰ লোক গণ শক্তিৰ প্ৰাৰ্থী ৰুবী বৰাই শনিবাৰে টীয়কৰ গুৱাল গাঁৱত জ্ঞানজ্যোতি যুৱ সংঘই আয়োজন কৰা দিবা-নৈশ ভলীবল প্ৰতিযোগিতাত উপস্থিত হৈ খেলুৱৈ তথা গাঁৱবাসীৰ সৈতে মত বিনিময় কৰে । বৰাই সমষ্টিটোৰ বিভিন্ন সমস্যা সমাধানৰ ক্ষেত্ৰত বলিষ্ঠ ভূমিকা পালন কৰিব বুলি মত প্ৰকাশ কৰে । বিশেষকৈ যুৱ প্ৰজন্মক লগত লৈ চাকৰিৰ সমান্তৰালকৈ বিভিন্ন ব্যৱসায়-বাণিজ্যত আত্মনিয়োগ কৰাত বিশেষ পদক্ষেপ গ্ৰহণ কৰিব বুলি কৈ নিৰ্বাচনত ৰাইজক তেওঁৰ পক্ষত ভোটাধিকাৰ সাব্যস্ত কৰিবলৈ আহ্বান জনায় ।