নগাঁও জিলাৰ বৰক'লা মহাবিদ্যালয়ৰ সমীপত গোমাংস উদ্ধাৰক লৈ চাঞ্চল্য
নগাঁও জিলাৰ বৰক'লা মহাবিদ্যালয়ৰ সমীপত সংঘটিত হৈছে চাঞ্চল্যকৰ ঘটনা ৷ কোনো দুৰ্বৃত্তই বৰক'লা গাঁৱৰে দুঘৰৰ পৰা নিশা গৰু চোৰ কৰি নি সেই গৰুৰ মাংস কাটি লৈ যোৱাৰ লগতে গৰুৰ মূৰ আৰু চাল মহাবিদ্যালয়খনৰ সমীপত পেলাই থৈ যায় ৷ বৰ্তমান ঘটনাস্থলীত আৰক্ষীৰ এটা দল উপস্থিত হৈ আৰম্ভ কৰিছে তদন্ত ৷ ইয়াৰ পূৰ্বেও কামপুৰ মহগৰীয়াআটি কাঠৰ দলঙৰ সমীপত সন্দেহজনকভাৱে উদ্ধাৰ হৈছিল গো-মাংস ৷ এই দুই অনুৰূপ ঘটনাক লৈ এতিয়াও অঞ্চলজুৰি অব্যাহত আছে চাঞ্চল্য ৷