ৰাতাবাৰীৰ এটা কেন্দ্ৰত অব্যাহত ভোটগ্ৰহণ প্ৰক্ৰিয়া

মঙলবাৰে পুৱা সাতবজাৰ পৰা ৰাজ্যৰ তিনিটা সমষ্টিৰ চাৰিটা ভোটগ্ৰহণ কেন্দ্ৰত অব্যাহত আছে পুনৰ ভোটগ্ৰহণ প্ৰক্ৰিয়া ৷ সমান্তৰালকৈ কৰিমগঞ্জ জিলাৰ ৰাতাবাৰী সমষ্টিৰ ইন্দিৰা এমভি স্কুলৰ ভোটগ্ৰহণ কেন্দ্ৰতো অব্যাহত আছে পুনৰ ভোটগ্ৰহণ ৷ পুনৰ ভোটগ্ৰহণ হৈ থকা উক্ত কেন্দ্ৰত কটকটীয়া নিৰাপত্তা ব্যৱস্থা গঢ়ি তুলিছে প্ৰশাসনে ৷ অসম আৰক্ষীৰ লগতে কেন্দ্ৰীয় বাহিনীয়েও নিৰাপত্তা ব্যৱস্থাৰ দায়িত্বক নিয়োজিত হৈ আছে । উল্লেখ্য যে, পুনৰ ভোটগ্ৰহণ হৈ থকা উক্ত ভোট কেন্দ্ৰটোত মুঠ ভোটাৰৰ সংখ্যা 626 ইয়াৰ ভিতৰত পুৰুষ ভোটাৰ 322 আৰু মহিলা ভোটাৰৰ সংখ্যা 304 গৰাকী ।