বিহালীত মন্ত্ৰী ৰঞ্জিত দত্তৰ ভোটদান

ৰাজ্যৰ 47 টা সমষ্টিত প্ৰথম পৰ্যায়ৰ ভোট দান আৰম্ভ হৈছে ৷ বিহালীৰ চিলাহৰণ প্ৰাথমিক বিদ্যালয়ৰ ১০৩ নং ভোট কেন্দ্ৰত মন্ত্ৰী ৰঞ্জিত দত্তই পৰিয়ালসহ সাব্যস্ত কৰিলে নিজৰ ভোট । প্ৰথম পৰ্যায়ৰ ৪৭ টা বিধানসভা সমষ্টিৰ ভিতৰত বিশ্বনাথ জিলাৰ তিনিটা সমষ্টিৰ ৭৬ বিশ্বনাথ, ৭৭ নং বিহালী আৰু ৭৮ নং গহপুৰ বিধানসভা সমষ্টিত ভোট গ্ৰহণ প্ৰক্ৰিয়া চলি আছে । আনহাতে গহপুৰত নিজৰ ভোট কেন্দ্ৰত ভোটদান কৰিলে প্ৰদেশ কংগ্ৰেছৰ সভাপতি ৰিপুণ বৰাই । ভোট প্ৰদান কৰি মন্ত্ৰী গৰাকীয়ে কয় যে উত্তৰ অসমৰ আটাইকেইখন আসন বিজেপিয়ে দখল কৰিব । ১ লাখ ২৩ হাজাৰ ভোটাৰ থকা বিহালী সমষ্টিটোৰ বাবে বিহালী সমষ্টিৰ পৰা ৪ জন প্ৰাৰ্থীয়ে প্ৰতিদ্বন্দ্বিতা আগবঢ়াইছে ৷