মদাৰখাত চাহ বাগিচাত চাহ শ্রমিকৰ উত্তাল প্ৰতিবাদ - modarkhat

মদাৰখাত চাহ বাগিচাত চাহ শ্ৰমিকৰ উত্তাল প্ৰতিবাদ ৷ দিন-হাজিৰা আৰু মাহিলি বেতনৰ পৰা কেইবামাহো ধৰি বঞ্চিত হৈ থকা মদাৰখাত চাহ বাগিচাৰ শ্ৰমিক সকলে সজোৰে কৰে প্ৰতিবাদ ৷ নিজৰ প্ৰাপ্য আৰু অধিকাৰ বিচাৰি বুধবাৰে চাহ বাগিচাৰ ভূমি কঁপাই তুলিলে চাহ শ্ৰমিক সকলে ৷ চাহ শ্ৰমিক আৰু বাগিচাৰ কৰ্মচাৰী সকলক মদাৰখাত চাহবাগিচাৰ মালিক গোষ্ঠীয়ে পাঁচমাহে পষেকীয়া দৰমহা প্ৰদান নকৰাৰ ফলত এই উতপ্ত পৰিস্থিতিৰ সৃষ্টি হয় ৷ বাগিচাত কৰ্মৰত শ্ৰমিক সকলক যাৱতীয় সা-সামগ্ৰী প্ৰদান নকৰাৰ ফলত বিভিন্ন সময়ত শ্ৰমিকসকলে বহুতো অসুবিধাৰ সন্মুখীন হৈ আহিছিল ৷ অৱশেষত তেওঁলোকে গনতান্ত্ৰিক ভাৱে বিভিন্ন শ্লোগানেৰে বাগিচাৰ চৌহদত বুধবাৰে প্ৰতিবাদ সাব্যস্ত কৰে ৷