কৃষকক ক্ষতিপূৰণ নিদিয়ে আজুৰ কোম্পানীয়ে - সৌৰ শক্তিৰ বৃহৎ প্ৰকল্প নিৰ্মাণৰ কাম আৰম্ভ

নগাঁৱৰ বামুণী মিকিৰ গ্ৰাণ্টৰ কৃষিভূমিত আজুৰ নামৰ এটা ব্যক্তিগত কোম্পানীয়ে সৌৰ শক্তিৰ এটা বৃহৎ প্ৰকল্প নিৰ্মাণৰ কাম আৰম্ভ কৰাক লৈ কৃষকসকলে প্ৰতিবাদ অব্যাহত ৰাখিছে ৷ এনে সময়তে বুধবাৰে নগাঁৱত এখন সংবাদমেলৰ আয়োজন কৰে আজুৰ নামৰ কোম্পানীটোৱে ৷ সংবাদমেলৰ আয়োজন কৰি সৌৰ শক্তি প্ৰকল্প নিৰ্মাণ কৰা ভূমি ক্ৰয় কৰি লোৱা বুলি দাবী কৰি কৃষকক কোনো ক্ষতিপূৰণ দিয়া নহ'ব বুলি স্পষ্ট কৰি দিয়ে কোম্পানীটোৱে ৷ লগতে সৌৰশক্তি প্ৰকল্প নিৰ্মাণ কৰা ঠাই হাতীৰ কৰিডৰ নহয় বুলি বন বিভাগৰ প্ৰতিবেদন লাভ কৰাৰ পাচত প্ৰকল্প নিৰ্মাণৰ কাম আৰম্ভ কৰা বুলি মন্তব্য কৰে কোম্পানীটোৰ কৰ্তৃপক্ষই ৷