নিৰ্বাচনী ব্যস্ততাৰ মাজতে ডিগবৈৰ বালিজানত ৰঙালী বিহুক আদৰাৰ প্ৰস্তুতি - Preparation for Rangali bihu

বিধানসভা নিৰ্বাচনলৈ মাজত মাথো কেইটামান ক্ষণ বাকী ৷ সমান্তৰালকৈ পদুলি মুখত উপস্থিত বাপতিসাহোন ৰঙালী বিহুটি ৷ হেঁপাহৰ ৰঙালী বিহুক আদৰিবলৈ এতিয়া ৰাজ্যজুৰি চলিছে ব্যাপক প্ৰস্তুতি ৷ ৰাজ্যৰ বিভিন্ন প্ৰান্তত বিহুৰ আখৰাত ব্যস্ত হৈ পৰিছে ডেকা-গাভৰুসকল ৷ ঢোল-পেঁপাৰ মাতত ৰজন জনাইছে বিহুৰ আখৰাথলী ৷ ৰাজ্যৰ আনসমুহ ঠাইৰ দৰে অসমীয়া বাপতিসাহোন ৰঙালী বিহুক আদৰিবলৈ এতিয়া প্ৰস্তুতি চলাইছে ডিগবৈ বালিজানৰ ডেকা গাভৰু সকলে ৷ যোৱাবাৰ ক'ৰণা মহামাৰীৰ বাবে বিহু উদযাপন কৰিব নোৱাৰিলে অসমবাসীয়ে কিন্তু এইবাৰ সকলোৱে অতি আগ্ৰহেৰে চলাইছে বিহুৰ প্ৰস্তুতি ৷ বিহুৰ আখৰা থলীৰ পৰাই আগন্তুক নিৰ্বাচনত ৰাইজে কেনেধৰণৰ চৰকাৰ বিচাৰে সেই সন্দৰ্ভতো আমাৰ সাংবাদিকক জনালে ডিগবৈ বালিজানৰ ডেকা গাভৰু সকলৰ লগতে জেষ্ঠ লোক সকলে ৷