নলবাৰীত মাধ্যম আন্দোলনৰ কৰ্ণধাৰ প্ৰসন্ন নাৰায়ণ চৌধুৰীক স্মৰণ - শ্ৰদ্ধাঞ্জলি অনুষ্ঠান
১৯৭২ চনৰ মাধ্যম আন্দোলনৰ কৰ্ণধাৰ, গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ সন্থা আৰু সদৌ অসম ছাত্ৰ সন্থাৰ তদানীন্তন সাধৰণ সম্পাদক তথা সাহিত্য সংস্কৃতিৰ সেৱক প্ৰয়াত প্ৰসন্ন নাৰায়ণ চৌধুৰীৰ স্মৃতি দিৱসৰ লগত সংগতি ৰাখি নলবাৰী পিএনচি স্মৃতি উদ্যানত শ্ৰদ্ধাঞ্জলি অনুষ্ঠানৰ আয়োজন কৰে নলবাৰী আঞ্চলিক ছাত্ৰ সন্থাই । নলবাৰী আঞ্চলিক ছাত্ৰ সন্থাৰ সম্পাদক নৱ ডেকাই আঁতধৰা অনুষ্ঠানটোত আৱক্ষ মূৰ্তিৰ বন্তি প্ৰজ্বলন আৰু পুষ্পাঞ্জলী প্ৰদান কৰে সদৌ অসম ছাত্ৰ সন্থাৰ শিক্ষা সম্পাদক ভৱজিৎ বেজবৰুৱাৰ লগতে নলবাৰী জিলা ছাত্ৰ সন্থাৰ সভাপতি গুণজ্যোতি পাঠক, সম্পাদক অক্ষয় ডেকা, নলবাৰী আঞ্চলিক ছাত্ৰ সন্থাৰ সভাপতি ৰুবুল বৰ্মনে ৷ লগতে শিল্পী, ক্ৰীড়া সংগঠনক বিভিন্ন অনুষ্ঠান প্ৰতিষ্ঠানৰ নেতা কৰ্মী উপস্থিত থাকি শ্ৰদ্ধাঞ্জলি জনায় ।