ছিপাঝাৰত অৰ্ধ নিৰ্মিত মথাউৰি পৰিদৰ্শন জলসিঞ্চন মন্ত্ৰী পীযুষ হাজৰিকাৰ - ছিপাঝাৰ সমষ্টি
বাৰিষাৰ পূৰ্বে তৎপৰ হৈ পৰিছে ৰাজ্যৰ জলসিঞ্চন মন্ত্ৰী পীযুষ হাজৰিকা । মঙলবাৰে ছিপাঝাৰ সমষ্টিৰ ব্ৰহ্মপুত্ৰ নদীৰ কুৰুৱা মথাউৰি, গৰুখুটি মথাউৰিৰ লগতে কিৰিঙবৰীৰ গৰাখহনীয়া আৰু পাথৰিঘাটৰ ননৈ নদীৰ অৰ্ধ নিৰ্মিত মথাউৰি পৰিদৰ্শন কৰে মন্ত্ৰীগৰাকীয়ে । উল্লেখ্য যে, কেইবাশ কোটি টকা ব্যায়েৰে নিৰ্মাণ কৰা মথাউৰি দুবছৰে সম্পূৰ্ণ হৈ নুঠিল ৷ যাৰ বাবে মন্ত্ৰী গৰাকীয়ে নিজেই ছিপাঝাৰ সমষ্টিৰ বিধায়ক পৰমানন্দ ৰাজবংশীৰ লগতে বিভাগীয় অভিযন্তাক লগত লৈ মথাউৰি পৰিদৰ্শন কৰে । অঞ্চলটো পৰিদৰ্শন কৰি বানৰ পূৰ্বেই মথাউৰি সম্পূৰ্ণ কৰাৰ আশ্বাস প্ৰদান কৰে মন্ত্ৰী পিযুষ হাজৰিকাই । অৱশ্যে বাৰিষাৰ পূৰ্বেই বিভাগে অৰ্ধনিৰ্মিত মথাউৰি সমূহ সম্পূৰ্ণ কৰিব পাৰিব নে নাই সেয়া সময়তহে লক্ষণীয় হ’ব ৷