এজন কয়দীৰ এখন আত্মহত্যাৰ নাটক - A man created a drama of suicide
কামপুৰ বুঢ়াপতীয়া গাঁৱৰ যুৱক জ্যোতিপ্ৰসাদ বৰাই ৰচিলে আত্মহত্যাৰ কাহিনী ৷ হত্যাৰ গোচৰত যাৱজ্জীৱন কাৰাদণ্ডৰে দণ্ডিত হোৱা যুৱকজনে পাঁচ মাহ পূৰ্বে ১৯ জুনত ২০ দিনৰ বাবে কাৰাগাৰৰ পৰা ছুটি লৈ ঘৰলৈ আহিছিল ৷ যোৱা 6 জুলাইত কামপুৰৰ কপিলী দলঙত ৰহস্যজনকভাৱে উদ্ধাৰ হয় যুৱকজনৰ স্কুটাৰ,মদৰ বটল,চেণ্ডেল,এটা চোলা আৰু এখন চুইচাইড নোট ৷ চুইচাইড নোটখনত যুৱকজনে গোটেই জীৱন জেলৰ ভাত খোৱাতকৈ আত্মহত্যা কৰাই ভাল বুলি লিখিছিল ৷ যুৱকজনে আত্মহত্যা কৰা বুলি আৰক্ষীয়ে নদীত অভিযান চলাই যদিও কোনো শুংসূত্ৰ লাভ কৰিবলৈ সক্ষম নহ'ল ৷ তথাপিও সন্দেহৰ ভিত্তিত গোপনে তদন্ত অব্যাহত ৰাখিছিল কামপুৰ আৰক্ষীয়ে ৷ অৱশেষত শুকুৰবাৰে ৰহা থানাৰ অন্তৰ্গত মহগড়ৰৰ পৰা জ্যোতিপ্ৰসাদ বৰাক গ্ৰেপ্তাৰ কৰে আৰক্ষীয়ে। আৰক্ষীৰ চকুত ধূলি দি নিজকে কাৰাদণ্ডৰ পৰা বচাব খোজা যুৱকজনে এতিয়া পুনৰ জীৱন কটাব লাগিব কাৰাগাৰৰ চাৰিবেৰৰ মাজত ৷