NRC চূড়ান্ত তালিকাঃ শিৱসাগৰৰ ৪৭ টা সেৱা কেন্দ্ৰত শান্তিপূৰ্ণ পৰিৱেশ - ৰাষ্ট্ৰীয় নাগৰিক পঞ্জীৰ চূড়ান্ত তালিকা

প্ৰকাশ পালে ৰাষ্ট্ৰীয় নাগৰিক পঞ্জীৰ চূড়ান্ত তালিকা ৷ পুৱা 10 বজাত প্ৰকাশ পালে ৰাষ্ট্ৰীয় নাগৰিক পঞ্জীৰ চূড়ান্ত তালিকা ৷ শিৱসাগৰ জিলাত মুঠ ৪৭ টা সেৱা কেন্দ্ৰৰ বৰ্তমানৰ পৰিস্থিতি স্বাভাৱিক আৰু শান্ত । অৱশ্যে উদ্ভৱ হ’ব পৰা যিকোনো পৰিস্থিতিৰ সৈতে মোকাবিলা কৰিবলৈ সকলো সেৱা কেন্দ্ৰতে নিয়োগ কৰা হৈছে অৰ্দ্ধ সামৰিক আৰু আৰক্ষী বাহিনী । ইপিনে ৰাইজৰ সহযোগত এই সমগ্ৰ প্ৰক্ৰিয়া সুকলমে সম্পন্ন হ’ব বুলি আশা কৰিছে শিৱসাগৰ জিলা উপায়ুক্তই । চূড়ান্ত NRCত নাম অন্তৰ্ভুক্ত নোহোৱা বৈধ ভাৰতীয় নাগৰিকে আজিৰ পৰা ১২০ দিনৰ ভিতৰত বিদেশী ন্যায়াধীকৰণত আবেদন কৰিব পাৰিব ।