নিৰ্দলীয় হিচাপে মনোনয়ন দাখিল নৱ কুমাৰ শৰণীয়াৰ - বৰমা বিধানসভা সমষ্টি
বাক্সা জিলাৰ ৬২ নং বৰমা বিধানসভা সমষ্টিৰ বাবে সোমবাৰে কোকৰাঝাৰ লোকসভা সমষ্টিৰ সাংসদ নৱ কুমাৰ শৰণীয়াই শতাধিক সমৰ্থকক লগত লৈ নিৰ্দলীয় প্ৰাৰ্থী হিচাপে মনোনয়ন দাখিল কৰে ৷ মনোনয়ন পত্ৰ দাখিল কৰাৰ আগমুহুৰ্তত সাংবাদিকৰ আগত শৰণীয়াই কয়, বৰমা সমষ্টিৰ মূল সমস্যা মৰা পাগলদিয়া নদীয়ে প্ৰতি বছৰে প্ৰলয়ংকৰী বানৰ সৃষ্টি কৰি আহিছে ৷ সেই বান সমস্যা সমাধানৰ বাবে ব্যৱস্থা লোৱা হ’ব বুলি আশ্বাস দিয়ে শৰণীয়াই ৷