টীয়কত চহা কৃষকে উদযাপন কৰিছে নাঙল বিহু

নাঙল বিহু উপলক্ষে যোৰহাট জিলাৰ টীয়কত নাঙল বিহু উদযাপন কৰে চহা কৃষকে ৷ বিজ্ঞানৰ প্ৰযুক্তিৰ প্ৰভাৱৰ ফলত কৃষিক্ষেত্ৰত নাঙলৰ পৰিৱৰ্তে আহিল টেক্টৰ,পাৱাৰ টিলাৰ । এতিয়া যেন বিলুপ্তিৰ পথত নাঙল ৷ কিন্তু তথাপিও বনাই বাৰেঘৰৰ অজিত বৰুৱা নামৰ এজন চহা খেতিয়কে এতিয়াও অব্যাহত ৰাখিছে নাঙলৰে খেতি কৰা কাৰ্য । যাৰ পৰিপ্ৰেক্ষিতত নাঙল বিহুৰ দিনা পুৱাই নাঙল পূজা কৰে কৃষকজনে । নাঙলক নোৱাই-ধোৱাই, ধূপ-ধূনা জ্বলাই কৃষিকাৰ্যৰ বাবে সাজু হয় কৃষক অজিত বৰুৱাই । পৰম্পৰা বৰ্তাই ৰাখি চহা খেতিয়কজনে প্ৰতিবছৰে এই ধাৰা অব্যাহত ৰাখিছে ৷