বঙাইগাঁৱত বুধবাৰে অনুষ্ঠিত হ'বলগীয়া কেবিনেট বৈঠক(Cabinet Meeting at Bongaigaon)ত অংশগ্ৰহণ কৰিবলৈ যোৱা পথত প্ৰত্যেকগৰাকী মন্ত্ৰী বিধায়কক একোখন নিদিৰ্ষ্ট জিলাত উপস্থিত হৈ ৰাইজৰ অভাৱ, অভিযোগ, সমস্যা আদিৰ বুজ ল'বলৈ নিৰ্দেশনা মুখ্যমন্ত্ৰী ড৹ হিমন্ত বিশ্ব শৰ্মাৰ ৷ মুখ্যমন্ত্ৰীৰ এই নিৰ্দেশ অনুসৰি মঙলবাৰে বজালী জিলাত উপস্থিত হয় মন্ত্ৰী ইউ জি ব্ৰহ্ম (U G Brahma)৷ মন্ত্ৰীগৰাকীয়ে পাটাছাৰকুছি ১২০ বছৰ পুৰণি এল পি স্কুলৰ পৰিদৰ্শনৰ কৰাৰ লগতে কণ কণ ছাত্ৰ-ছাত্ৰীক পাঠদান কৰি বিদ্যালয়খন গৰিমা থকা বুলি জানিব দিয়ে ৷ তেওঁ যিসমূহ বিদ্যালয়ে ইতিমধ্যে ১০০ বছৰ গৰকিছে সেইসমূহ বিদ্যালয়ক আদৰ্শ বিদ্যালয় হিচাপে গঢ়ি তুলিব বুলি মন্তব্য কৰে ৷ তেওঁ বেজকুছি প্ৰাথমিক চিকিৎসালয়খনো পৰিভ্ৰমণ কৰি চিকিৎসালয়খনত বিভিন্ন সমস্যাৰ ওপৰত বুজ লৈ মুখ্যমন্ত্ৰীক অৱগত কৰাৰ কথা ব্যক্ত কৰে ।