বৰপেটাত স্বাধীনতা দিৱসৰ পতাকা উত্তোলন মন্ত্ৰী ৰণজিৎ কুমাৰ দাসৰ

বৰপেটাত 75 সংখ্যক স্বাধীনতা দিৱসৰ উদযাপন কাৰ্যসূচীত ভাগ লৈ ৰাষ্ট্ৰীয় পতাকা উত্তোলন কৰে ৰাজ্যৰ পঞ্চায়ত আৰু গ্ৰামোন্নয়ন বিভাগৰ মন্ত্ৰী ৰণজিৎ কুমাৰ দাসে(Ranjeet Kumar Das) ৷ বৰপেটা চৰকাৰী উচ্চতৰ মাধ্যমিক বিদ্যালয়ৰ খেলপথাৰত উদযাপন কৰা হয় এইবেলি স্বাধীনতা দিৱস ৷ ৰাষ্ট্ৰীয় পতাকা উত্তোলনৰ পূৰ্বে গান্ধীজীৰ প্ৰতিমূৰ্তিত মাল্যৰ্পণ কৰে মন্ত্ৰীগৰাকীয়ে ৷ সীমিত পৰিসৰত আৰক্ষীৰ অভিবাদন সম্পন্ন হয় ৷ পূৰ্বৰ দৰে পেৰেডত অংশগ্ৰহণ কৰা দেখা নগ’ল আৰক্ষীৰ বিভিন্ন বাহিনীসমূহক ৷ আনকি পেৰেডত দেখা নগ’ল বিদ্যালয়-মহাবিদ্যালয়সমূহৰ NCC কেডেট আৰু স্কাউট-গাইডৰ দল ৷ ক’ভিড প্ৰট’কল(Covid Protocol)ৰ মাজেৰে অতি সীমিত সংখ্যক লোকেহে স্বাধীনতা দিৱসৰ অনুষ্ঠানত অংশগ্ৰহণ কৰে ৷