খুমটাই বাগিচাৰ মেগা ক'ভিড ভেকচিনেচন চেণ্টাৰ পৰিদৰ্শন মন্ত্ৰী বিমল বৰাৰ

প্ৰধানমন্ত্ৰী নৰেন্দ্ৰ মোডীৰ জন্মদিনৰ লগত সংগতি ৰাখি শুকুৰবাৰৰ পৰা ৰাজ্যৰ প্ৰতিখন জিলাতে মেগা ক'ভিড ভেকচিন প্ৰক্ৰিয়া আৰম্ভ হৈছে । চৰাইদেউ জিলাৰ মৰাণৰ খুমটাই বাগিচাৰ মধ্য ইংৰাজী বিদ্যালয়ৰ ক'ভিড ভেকচিন চেণ্টাৰ পৰিদৰ্শন কৰে শক্তি মন্ত্ৰী তথা চৰাইদেউ জিলাৰ অভিভাৱক মন্ত্ৰী বিমল বৰাই । মন্ত্ৰী বৰাই ভেকচিন চেণ্টাৰত উপস্থিত হৈ স্বাস্থ্যকৰ্মী সকলৰ লগতে ক'ভিড ভেকচিন ল'বলৈ অহা লোকসকলৰ সৈতে মতবিনিময় কৰে । উল্লেখ্য যে, চৰাইদেউ জিলাত 24 ঘন্টাত প্ৰায় ১২ হাজাৰ লোকক ক'ভিড ভেকচিন দিয়াৰ পৰিকল্পনা কৰা হৈছে বুলি কয় মন্ত্ৰী গৰাকীয়ে ।