বৰপথাৰত জল জীৱনৰ আঁচনিৰ কামৰ শুভাৰম্ভণী কৰিলে লাভলীনা বৰগোঁহায়ে
ভাৰত গৌৰৱ, অসম জীয়াৰী লাভলীনা বৰগোহাঁয়ে শনিবাৰে বৰপথাৰৰ বাৰমুখীয়া গাঁৱত জনস্বাস্থ্য কাৰিকৰী বিভাগৰ জল জীৱন মিচন অধীনৰ এখন পানী যোগান আঁচনিৰ কামৰ শুভাৰম্ভ কৰে । লাভলীনা বৰগোহাঁইৰ নিজা গাঁৱৰ এই আঁচনিখনৰ শুভাৰম্ভণি কাৰ্যসূচীৰ লগত সংগতি ৰাখি এক ৰাজহুৱা সভা অনুষ্ঠিত কৰা হয় । এই সভাত লাভলীনাৰ উপৰিও গোলাঘাট জিলাৰ উপায়ুক্ত মৃগেশ নাৰায়ণ বৰুৱা, বিধায়ক বিশ্বজিৎ ফুকন, মহকুমাধিপতি, জিলা পৰিষদৰ মুখ্য কাৰ্যবাহী বিষয়া সহ কেইবাগৰাকী বিশিষ্ট ব্যক্তি উপস্থিত থাকে । প্ৰায় ১ কোটি ২৩ লাখ ব্যয় সাপেক্ষে নিৰ্মাণ কৰিবলগীয়া আঁচনিখনৰ পৰা প্ৰায় ১৫০ টা পৰিয়াল উপকৃত হ'ব ।