মহিলাৰ দ্বাৰা পৰিচালিত আমগুৰিৰ এটা ভোট কেন্দ্ৰ
আমগুৰিত মহিলাৰ দ্বাৰা পৰিচালিত হৈছে এটা ভোট কেন্দ্ৰ ৷ আমগুৰিৰ আউনীআটী হেমচন্দ্ৰদেৱ উচ্চতৰ মাধ্যমিক বিদ্যালয়ত মহিলাৰ দ্বাৰা পৰিচালিত ভোট কেন্দ্ৰত সুকলমে আৰম্ভ হৈছে ভোটদান প্ৰক্ৰিয়া ৷ ১০৩ নং আমগুৰি বিধানসভা সমষ্টিৰ ৯৯ আৰু ১০০ নং ভোট কেন্দ্ৰটো আদৰ্শ ভোট কেন্দ্ৰ হোৱাৰ লগতে সম্পূৰ্ণ মহিলাৰ দ্বাৰা পৰিচালিত হৈছে । ২৭ গৰাকী মহিলাই পৰিচালনা কৰা ভোট কেন্দ্ৰটো ভোটাৰক আকৰ্ষিত কৰিব পৰাকৈ সুন্দৰকৈ সজাই তোলা হৈছে ৷ ক'ভিডৰ সংক্ৰমণৰ প্ৰতি লক্ষ্য ৰাখি চিকিৎসা কৰ্মীসকলে ভোটাৰক মাক্স, গ্লোভছ প্ৰদান কৰা পৰিলক্ষিত হৈছে ৷