নলবাৰীত বিজেপি প্ৰাৰ্থী জয়ন্ত মল্ল বৰুৱাৰ মনোনয়ন দাখিল
নলবাৰী সমষ্টিৰ বাবে বিজেপি দলৰ হৈ এইবাৰ প্ৰতিদ্বন্দ্বিতা আগবঢ়াব জয়ন্ত মল্ল বৰুৱাই । প্ৰাৰ্থিত্ব লাভৰ পিছতে সমষ্টিটোৰ বিজেপি কৰ্মীসকলে একপ্ৰকাৰ তেওঁৰ বিজয় সুনিশ্চিত কৰিবলৈ ব্যস্ত হৈ পৰা দেখা গৈছে । তাৰ মাজতে জয়ন্ত মল্ল বৰুৱাই মনোনয়ন পত্ৰ দাখিলৰ প্ৰাকক্ষণত বিশেষ দৃশ্য দেখা গ'ল নলবাৰী মহাবিদ্যালয় খেলপথাৰত । হাজাৰ হাজাৰ সমৰ্থক আহি উপস্থিত হ'ল মহাবিদ্যালয়খনৰ খেলপথাৰত । ইফালে মনোনয়ন দাখিলত জয়ন্ত মল্ল বৰুৱাক সংগ দিবলৈ নলবাৰীত উপস্থিত হয় মন্ত্ৰী ডঃ হিমন্ত বিশ্ব শৰ্মাকে ধৰি মন্ত্ৰী চন্দ্ৰমোহন পাটোৱাৰী, ফণীভূষণ চৌধুৰী, বিশ্বজিৎ দৈমাৰীকে ধৰি কেইবাগৰাকীও নেতা-মন্ত্ৰী । বিজেপিৰ হাতত থকা সমষ্টিটো পুনৰ বিজেপিৰ দখলতে ৰখাৰ বাবে উঠি পৰি লাগিছে দলটোৰ নেতা-কৰ্মীসকল । আনহাতে বুধবাৰে মনোনয়নৰ বাবে বিশাল সমদলেৰে নলবাৰী উপাযুক্তৰ কাৰ্যালয়লৈ যায় প্ৰাৰ্থীগৰাকী । সেই উপলক্ষে বিভিন্ন সাংস্কৃতিক দলৰ উপস্থিতিত উখল-মাখল হৈ পৰিছে নলবাৰী মহাবিদ্যালয় খেলপথাৰৰ বাকৰি ।