নাবালিকা বিয়া কৰাবলৈ আহি আটকাধীন 7 গৰাকী লোক - Jamaguri police
শোণিতপুৰ জিলাৰ জামুগুৰিহাটৰ লালেটাপুত এগৰাকী নাবালিকাক বিবাহ কৰাবলৈ আহি আৰক্ষীৰ হাতত 7 গৰাকীকৈ লোক আটক হোৱা ঘটনাই তীব্ৰ চাঞ্চ্যলৰ সৃষ্টি কৰিছে । অঞ্চলটোৰ দীঘলীচাপৰিৰ হাফিজুল ৰহমান নামৰ ৩৬ বছৰীয়া যুৱকজনৰ লগত লালেটাপুৰ এগৰাকী নাবালিকা কন্যা তথা চবিলাল এম,ই স্কুলৰ ষষ্ঠ শ্ৰেণীৰ ছাত্ৰী গৰাকীৰ সৈতে বিবাহ সম্পন্ন হৈছিল ৷ বিবাহৰ খবৰ লাভ কৰা পাচতে বিবাহস্থলীত জামুগুৰি আৰক্ষী উপস্থিত হয় । আৰক্ষীৰ উপস্থিতিৰ উমান পাই দৰা-কইনা পলায়ন কৰে যদিও আৰক্ষীয়ে বিবাহ কাৰ্যত সহযোগ কৰা 7 জনকৈ ব্যক্তিক আটক কৰে ৷ নদুৱাৰ ৰাজহ চক্ৰৰ অতিৰিক্ত ৰাজহ চক্ৰ বিষয়া মন্টুছ চক্ৰৱৰ্তীৰ নেতৃত্বত জামুগুৰি আৰক্ষীয়ে বাল্যবিবাহৰ বিৰুদ্ধে চলোৱা অভিযানক সহযোগিতা আগবঢ়াই স্থানীয়ে লোকে ৷