আই পি এল জুৱাৰীৰ বিৰুদ্ধে মানিকপুৰত আৰক্ষীৰ অভিযান; আটক এজন
ৰাজ্যৰ অন্যান্য প্ৰান্তৰ লগতে অপৰাধ তথা অপৰাধীৰ বিৰুদ্ধে সস্তম হৈছে বঙাইগাঁও আৰক্ষী ৷ শেহতীয়াকৈ বঙাইগাঁৱৰ মানিকপুৰ আৰক্ষীৰ অভিযানত আটক হৈছে আই পি এল জুৱাৰ লগত জড়িত সন্দেহজনক এজন এজেন্ট । এক গোপন সূত্ৰৰ ভিত্তিতে দেওবাৰে নিশা পাতিলাদহা বজাৰত জোৱাৰ বিৰুদ্ধে আৰক্ষীয়ে চলাইছিল অভিযান ৷ এই অভিযানতে আৰক্ষীয়ে পাতিলাদহা বজাৰৰ পৰা জুৱাৰ লগত জড়িত থকাৰ সন্দেহত ওমৰ আলী নামৰ এজনক আটক কৰিবলৈ সক্ষম হৈছে । অভিযোগ অনুসৰি, দীৰ্ঘদিনৰে পৰা বৃহত্তৰ মানিকপুৰ অঞ্চলটোত আই পি এলৰ নামত জুৱাৰ এক ৰমৰমীয়া বেহা চলাই আহিছিল স্থানীয় একাংশ জুৱাৰীয়ে । দেওবাৰে আৰক্ষীৰ অভিযানত এজন সন্দেহজনক জুৱাৰীক আটকৰ খবৰ পাই স্বাভাৱিকতে সন্তষ্টি প্ৰকাশ কৰিছে অঞ্চলটোৰ ৰাইজে ।