Smart cylinders in Dibrugarh: উত্তৰ-পূবৰ ভিতৰত প্ৰথমবাৰৰ বাবে ডিব্ৰুগড়ত মুকলি স্মাৰ্ট চিলিণ্ডাৰ
উত্তৰ-পূৱৰ ৰন্ধন গেছ ব্যৱহাৰকাৰী সকলৰ বাবে এটি ভাল খবৰ । ডিব্ৰুগড়ত প্ৰথমবাৰৰ বাবে ইণ্ডিয়ান অইল কৰ্প'ৰেছন লিমিটেড চমুকৈ IOCL-য়ে মুকলি কৰিলে স্মাৰ্ট চিলিণ্ডাৰ (IOCL launches smart cylinder in Dibrugarh) । ঘৰুৱা ব্যৱহাৰত নিৰ্ভৰযোগ্য আৰু দূৰ্ঘটনাজনিত কাৰণ সমূহৰ পৰা পৰিত্ৰাণ পাব পৰাকৈ নিৰ্মাণ কৰা এই চিলিণ্ডাৰটো মঙলবাৰে ডিব্ৰুগড় শান্তি গেছ এজেঞ্চিত IOCL-ৰ তিনিচুকীয়া সংমণ্ডলৰ বিষয়া গুণজিত বৰুৱাই আনুষ্ঠানিকভাৱে মুকলি কৰিলে । এই চিলিণ্ডাৰৰ ওজন প্ৰায় 16 কেজি বুলি জানিব পৰা গৈছে ৷ ইয়াৰোপৰি এই চিলিণ্ডাৰৰ মূল্য আন চিলিণ্ডাৰ সমূহতকৈ তুলনামূলকভাৱে কম ৷ মঙলবাৰে অনুষ্ঠিত হোৱা এই অনুষ্ঠানত এল পি জিৰ সহকাৰী প্ৰৱন্ধক চিন্ময়জ্যোতি বৰঠাকুৰ, শান্তি গেছ এজেঞ্চিৰ মানস প্ৰতীম ভূঞা আদিকে ধৰি ভালেকেইগৰাকী বিষয়ববীয়া উপস্থিত থাকে ।