দাৰে ঘপিয়াই পত্নীক হত্যাৰ চেষ্টা

যোৰহাটৰ বালি গাঁৱৰ ভেবেলি চুকত সংঘটিত হৈছে এক চাঞ্চল্যকৰ ঘটনা ৷ স্বামীৰ দাৰ ঘাপত গুৰুতৰভাৱে আহত হয় পত্নী ৷ ঘটনাৰ বিৱৰণী অনুসৰি, যোৰহাটৰ বালি গাঁৱৰ ভেবেলি চুকৰ অসীম বৰা নামৰ এজন ব্যক্তিয়ে পত্নী যুতিকা বৰাক দাৰে ঘপিওৱাৰ ফলত গুৰুতৰভাৱে আহত হয় ৷ ঘটনা সংঘটিত কৰি প্ৰায় এঘণ্টা ধৰি কোনো লোককে আহত পত্নীৰ কাষলৈ আহিবলৈ নিদিয়ে স্বামী অসীমে ৷ পৰৱৰ্তী সময়ত যোৰহাট আৰক্ষী(Jorhat Police) ঘটনাস্থলীত উপস্থিত হৈ আটক কৰে অভিযুক্তক ৷ গুৰুতৰভাৱে আহত যুতিকা বৰাক যোৰহাট চিকিৎসা মহাবিদ্যালয় হাস্পতাল(Jorhat Medical College hospital)লৈ সংকটজনক অৱস্থাত প্ৰেৰণ কৰা হয় ৷ ঘটনা সন্দৰ্ভত আৰক্ষীয়ে প্ৰাৰম্ভিক তদন্ত আৰম্ভ কৰিছে ৷