ৰঙাপৰাত হিমন্তৰ বিশাল বাইক ৰেলী - assam legislative assembly election 2021

শোণিতপুৰ জিলাৰ ৰঙাপৰাত শনিবাৰে বিজেপিৰ মনোনীত প্ৰাৰ্থী কৃষ্ণ কমল তাঁতীৰ হৈ মন্ত্ৰী ডঃ হিমন্ত বিশ্ব শৰ্মাই নিৰ্বাচনী প্ৰচাৰ চলায় । বিজেপি প্ৰাৰ্থীগৰাকীৰ সমৰ্থনত মন্ত্ৰী শৰ্মাই অঞ্চলটোত এক বিশাল বাইক ৰেলী উলিয়ায় ৷ ইয়াৰ পাছতেই বালিপৰা ফুলবাৰী চাহ বাগিচাত শ্ৰমিকৰ সৈতে মত বিনিময় কৰে মন্ত্ৰী হিমন্ত বিশ্ব শৰ্মাই । ৰঙাপৰাৰ বৰজুলিত এখন সভাত অংশগ্ৰহণ কৰে মন্ত্ৰীগৰাকীয়ে । সভাত মন্ত্ৰী শৰ্মাই ৰঙাপৰাত এখন বিএছচি নাৰ্চিং স্কুল, জিএনএম কলেজ আৰু এখন ইঞ্জিনিয়াৰিং কলেজ স্থাপন কৰাৰ কথা ঘোষণা কৰাৰ লগতে প্ৰত্যেকজন চাহ শ্ৰমিকৰ একাউণ্টত মাহে ১,০০০ টকাকৈ দিয়াৰ কথা ঘোষণা কৰে ৷ আনহাতে যুৱ চামক বুলেটৰ পাচফালে মাক-ভনীয়েককহে বহুৱালেহে চৰকাৰে বুলেট দিব বুলি সৰসপূৰ্ণ মন্তব্য কৰে মন্ত্ৰী গৰাকীয়ে ।