এইবাৰৰ নিৰ্বাচন সভ্যতা আৰু বিকাশৰ নিৰ্বাচনঃহিমন্ত বিশ্ব শর্মা

এইবাৰৰ নিৰ্বাচন সভ্যতা,সুৰক্ষা আৰু বিকাশৰ নিৰ্বাচন ৷ অসমত আমি অসমীয়া হৈ থাকিব লাগিব,অসমখনক বদৰুদ্দিন আজমলৰ হাতত অৰ্পণ কৰিবলৈ আমি নিদিও ৷ বুধবাৰে বিশ্বনাথ চাৰিআলি বিজেপিৰ কার্যকৰ্তা সন্মিলনত অংশগ্ৰহণ কৰি এইদৰে মন্তব্য কৰে অসম চৰকাৰৰ বিত্ত ,স্বাস্থ্য আৰু গড়কাপ্তানী মন্ত্ৰী ডo হিমন্ত বিশ্ব শৰ্মাই । তদুপৰি সভাত মন্ত্ৰী গৰাকীয়ে কয় যে, বিজেপিয়ে এই ৫ বছৰত অসমৰ যিমানখিনি উন্নয়ন কৰিছে সেই উন্নয়নৰ যাত্ৰাত সকলোৱে ভাগ ল'ব লাগিব আৰু উত্তৰ অসমত আটাইকেইখন আসনত জয়ী হ'ব লাগিব ৷ ইয়াৰ উপৰি বিশ্বনাথৰ বৰ্তমানৰ বিধায়ক প্ৰমোদ বৰঠাকুৰকো বিপুল ভোটত জিকাবলৈ ৰাইজক আহ্বান জনায় মন্ত্ৰী হিমন্ত বিশ্ব শৰ্মাই ।